Кöні менам шудöй…

Пожöгса библиотека  март 19-öд лунö культура керкаын нуöдіс Александр Михайлович Лужиков чужан лунсянь 55 вося юбилейлы сиöм кыпыд рыт. Сцена вывсянь юргисны поэтлöн кывбуръяс. Лыддисны найöс верстьöяс и челядь. Мыла коми сьыланкывъясöн нимöдісны гижысьöс Выльгорт, Пожегдін, Пожегса сьылан котыръяс. Александр Лужиковлöн пипилисты сöкöлыс тайö лунас  шлывгис чужан сикт весьттіыс ёртъяслöн казьтылöмъясöн, чужан кывъя мича мыла сёрниöн, варовитіс быдмысь войтырлöн сöдз гöлöсъясöн.

Поэт..Тэ олан чужан сиктса войтыр пöвстын аслад сьöлöм бердысь торйöдöм да лэбач моз вылö-вылö кыпöдчöм кывбуръясöн, шызьöдан лов да тшöктан мöвпыштны, мый ради ми чужим да олам тайö ыджыд му вылас.