banner_neb

banner_neb

 

Яндекс.Метрика

Сандрик Миколлы – 120

Öшым 14-öд лунö тырö чужöмсяньыс 120 во Шахов Николай Александровичлы, Сандрик Миколлы, нималана коми гижысьлы, кодлöн олöмыс топыда йитчис медводдза коми книгаяс да газетъяс лэдзöмкöд, коми школа вöсна вермасьöмкöд.

Öшым 12-öд лунö Пожöг сиктса библиотека нуöдіс лыддьысяна – шылада рыт «Сандрик Миколлы – 120». Рытсö нуöдіс Шустикова Татьяна Владимировна, Пожöг шöр школаса велöдысь. Чукöртчысьяслы сійö висьталіс Сандрик Миколлöн олöм-вылöм йылысь, лыддис сылысь кывбуръяс. Рыт вылын сідз жö юргисны сьыланкывъяс «Тöлысьвывса ныв» да «Вартöм», кодъяслы кывъяссö гижліс Сандрик Микол. Эз кольны бокö и сылöн ыджыд рöдвужыс: Реция Михайловна да Павлин Михайлович Поповъяс, чожöн шуысьяс, Нина Ивановна Буткина, дядьöн шуысь, кодъяс сьöлöмсяньыс, бур кывъясöн  висьталісны Сандрик Микол йылысь. Гажöдіс ставнысö Скöрöдумысь «Юрган» сьылан котыр, кодъяс мичаа петкöдчисны коми сьыланкывъясöн, öд Сандрик Микол  ёна тöждысис коми кыв вöсна, став гижöдсö лэдзліс пöсь сьöлöм пырыс, быдлаын тöдчис сылöн киподтуй. Чуксаліс восьлавны водзö, югыдлань, пыр надейтчис да чуксаліс тэчны бурджык олöм.

 

 


Новинки краеведения

Книжные новинки

Путеводители

Strawberries