Во помланьын бара на шог юӧр: кувсис коми гижысь Елена Васильевна Козлова — Коми мулӧн авъя, шань, енбиа ныв. Елена Васильевна вӧлі Кулӧмдінса овмӧдчӧминъяслӧн библиотекалӧн бур ёртӧн, отсавліс быд шыӧдчӧмын, корӧмын. Миян районӧ Елена Васильевна волывліс Чисталёвскӧй лыддьысьӧмъяс вылӧ, Джеджимын мунысь литература фестиваль вылӧ. Библиотекаясын да школаясын челядькӧд аддзысьлігъясӧн сяммывліс корсьны кывъяс, кодъяс бордйӧдісны, ышӧдісны томуловӧс.

Елена Васильевналӧн нимыс кутас юргыны и водзӧ, ӧд районса быд библиотекаын эмӧсь сылӧн книгаяс, кодъясӧс окотапырысь лыддьӧны зонпосни. Гижысьлы тайӧ – медбур памятник.