Кулӧмдінса овмӧдчӧминъяслӧн библиотека пӧся чолӧмалӧ Елена Власовна Ельцоваӧс чужан лунӧн!

Кулӧмдін районлӧн енбиа быдтас, аслас кывбуръясӧн нимӧдӧ ичӧт чужанін да Коми му, аддзӧ-кылӧ сылысь лӧниник мичлунсӧ да петкӧдлӧ гижӧдъясын. Елена Власовна ыджыд тӧжда коми кыв да литература вӧсна. Ачыс ыджыд культураа морт, отсалӧ видзны, сӧвмӧдны, паськӧдны сійӧс. Кулӧмдін районса олысьяс окотапырысь волывлӧны сыкӧд аддзысьлӧмъяс вылӧ. Донъявны позьтӧм отсӧг вичмӧ Е.В. Ельцовасянь Кулӧмдінса овмӧдчӧминъяслӧн библиотекалы книга лэдзан уджын: быд шыӧдчӧмын мунӧ воча, отсалӧ вӧчны петасъяс нӧшта на бурджыкӧн.

Сиам Елена Власовналы кузь нэм да бур шуд, кыпыд сьӧлӧмкылӧмъяс, лов шензьӧдан выль кывбуръяс! Мед олӧмыс Тіян дорӧ век лоас шаньӧн, нимкодьторъяс вылӧ лышкыдӧн!

Ыджыда пыдди пуктӧмӧн

Кулӧмдінса овмӧдчӧминъяслӧн библиотекаса уджалысь котыр.