Енмыслы, тыдалὅ, ковмὅмаὅсь гижысьяс…

Виктор Егорович Напалков… Таво вылὅ коймὅд… Сьὅрсьὅн-бὅрсьὅн регыд костὅн мунỉсны мὅдар югыдас Кулὅмдỉн районса шань пиян  — Коми мулὅн енбиа гижысьяс. Быдὅнлὅн донъявны позьтὅм пай коми литература сὅвмὅдὅмὅ, коми кыв нимὅдὅмὅ да видзὅмὅ, быдὅн висис сьὅлὅмнас ас район вὅсна.

9 во сайын Виктор Егорович да Наталья Васильевна гозъя вὅзйисны вὅчны Джеджимын библиотека-музей. Став сьὅлὅм сетỉсны сỉйὅс лὅсьὅдὅмὅ. Ичὅтик деревняын кыптỉс мичасьыс-мича керка, сы гὅгὅр паськыд йὅрын мукὅд стрὅйба. Библиотекаын – Напалковъясὅн козьналὅм книгаяс, и аслас, и Коми республикаса мукὅд гижысьясὅн кырымалὅмъяс, Виктор Егоровичлὅн кипом гижὅдъяс. Музейын – наὅн козьналὅм  коми крестьянинлὅн важся эмбур. Тайὅ библиотека-музейыс шымыртὅ ас гὅгὅрыс оз сὅмын ас сиктсаясὅс, татчὅ окотапырысь волывлὅны и ас районысь, и республикаысь. Быд во Виктор Егоровичлὅн чужан лунὅ танỉ мунὅ «Чужан сиктыд – кага потан» литература фестиваль, кытчὅ окотыпырысь волывлὅны гижысьяс, сьылысь-йὅктысьяс. Таво паськыд йὅрын садитỉсны пуяс – лὅсьὅдỉсны В.Е. Напалков нима литература парк. Уна во мысти танỉ кутасны шувгыны пожὅмъяс, козъяс, шὅпкὅдчыны кыдзьяс да пелысьяс – казьтывны бур йὅзὅс.

Таво мартын кувсис Наталья Васильевна – Виктор Егоровичлὅн радейтана гὅтыр, гижысьлὅн Муза. Эз вермы дыр овны муса морттὅг Виктор Егорович, лэбзис еджыд юсьὅн пὅлыс бὅрся. Эскыссьὅ, аддзысисны да шудаὅсь сэнỉ, кὅнкὅ ылын-ылын, синмὅн аддзытὅминын…

Муὅдз копыр дона Виктор Егоровичлы да Наталья Васильевналы.

Кулὅмдỉн районса библиотекаясын  уджалысьяс