Казьтылана рыт «Перлӧн виртусь»

Тӧвшӧр 23-ӧд лунӧ Пожӧгса культура керкаын кыпыда пасйим нималана гижысь Пётр Федотович Шаховлӧн чужан лунсянь 95 во тырӧм.

Нуӧдіс тайӧ рытсӧ Татьяна Владимировна Шустикова, Пожӧг школаын коми кыв да литература велӧдысь. Сійӧ висьталіс гижысьлӧн олӧм да творчество йылысь, а Пожӧг культура керкаысь «Шудлун», «Капелька» сьылан котыръяс да Карина Сенькина мыла ливкйӧдлісны сьыланкывъяс.

Михаил Шахов, физкультура велӧдысь, сьӧлӧмсяньыс лыддис «Чужан сиктын» очеркысь юкӧн, а «Йӧлӧга» ворсан котыр петкӧдчис «Ӧксинь тьӧт» повестьысь юкӧнӧн.

Зэв нимкодь, мый казьтылан рыт вылӧ волісны пыдди пуктана гӧсьтъяс: районса юрнуӧдысь – Сергей Владимирович Рубан, культура да национальнӧй политика управлениеӧн веськӧдлысь –Анастасия Владимировна Голайдо. Нӧшта, волісны и Помӧсдінса гӧсьтъяс, сэтчӧс культура керкаысь «Радлун» йӧзкостса сьылан котыр, кодъяс ёна гажӧдісны видзӧдысьясӧс.

Колясны вояс, öта-мöднысö вежасны гырысь лоöмторъяс, но коми гижысь Пётр Федотович Шахов коляс йöзлöн паметьö аслас повестьясын, висьтъясын, пьесаясын.