Талун Александр Шебыревлöн чужан лун

Талун, май 28-öд лунö, пасйö ассьыс чужан лун Александр Васильевич Шебырев!

Александр Васильевич – миян земляк да бур ёрт, коми гижысь, ас му туялысь, журналист, наставник, сьылысь, «Бордъяс» сьылан-ворсан группа котыртысь. Енбиа морт!

Пыдди пуктана Александр Васильевич!

Став лыддысьысьяссянь да библиотекаын уджалысьяссянь пöся чолöмалам Чужан лунöн! Сиам Тіянлы му вывсьыс став мичасö да кыпыдсö! Кузь нэм да бур шуд! Ен да бур йӧз!

Чужан лун кежлö Кулöмдiнса овмöдчöминъяслöн библиотека дасьтiс да лэдзис Александр Шебыревлысь комиа-роча кывбуръяса выль книга. Тайö петасыс сиöма посни войтырлы. Помöсдiнса да Кулöмдiнса челядь кывбуръяс дорö лöсьöдiсны мича серпасъяс.

Регыд тайö кывбура öктöдыс воас Кулöмдiнса став библиотекаö!