Парма Ваньлӧн выль небӧг нимӧдӧм

Февраль 9-ӧд лунӧ шӧр библиотекаын  нимӧдiсны Иван Иванович Ногиевлысь  (Парма Ваньлысь) «Некытчӧ шогмытӧм висьтъяс» выль небӧг. Тайӧ лунӧ лыддисянiн вӧлi  уна йӧза.

Гижысь висьтышталiс ас олан туй йылысь,  казьтыштiс челядьдыр, том  да уджалан кад. И дерт же, лыддис ассьыс висьтъяссӧ, тшӧтш и выль гижӧдъяссӧ, кодъясӧс абу на йӧзӧдлӧма.

Сыӧн лӧсьӧдӧм – гижӧмторъясыс  аслыспӧлӧсӧсь. Лыддян  окотапырысь медводдзасянь бӧръя лист бокӧдзыс.

Сылӧн висьтъясыс сӧстӧм  мича коми кыв вылын, тыдалӧ бура тӧдӧ коми оласног, радейтӧ шмонитны.

Висьтъясын петкӧдчысьяс  сьӧкыдлунъясысь повтӧм сиктса йӧз, найӧ веськыдӧсь, зiльӧсь.

Рытыс колис кыпыд руӧн. Нималана гижыськӧд аддзысьлӧм лыддьысьысьяслы  воис сьӧлӧм вылас.