Коми кывлы сиöм лун

      Февраль 21-öд лун — Чужан кывлöн Международнöй лун. Коми войтыр чукöртчылiсны Джеджим библиотекаö, сёрнитiсны чужан кыв йылысь. Библиотекарь Напалкова З.С. тöдмöдiс локтысьясöс, кыдзи  коми кыв чужöма, коми писательяскöд, кодъяс радейтiсны чужан кыв, гижисны сы йылысь кывбуръяс.

Сiдз жö сiйö висьталiс коми учёнöйяс йылысь, кодъяс видлалiсны коми кывлысь уна нэмчöжся олöмсö, сылысь вужъяссö да мукöд кывъя йöзкöд йитöдъяссö. Учёнöйяслöн висьталöм серти, финн-йöгра кывъяс коркö петлöмаöсь öти вужйысь. Челядь лыддьысны кывбуръяс миян радейтана коми писательяслысь. Локтысьяс кывзiсны Мария Плосковаöн «Биармия» поэмалысь юкöн лыддьöм, сьылiсны В.Г. Лодыгинлысь «Еджыд Райда» сьыланкыв. Аддзысьлöм кежлö библиотекарь вöчис выставка «Мортыд ас кывйöн кык пöв ён» и презентация «Чужын кывлы сиöм лун». Зоя Степановна тöдчöдiс, мый   аскиа луныс коми кывлöн миян сайын.