Октябр 20 лунӧ Немдiнын мунiсны Тима Веньлы сиӧм лыддьысьӧмъяс

Кулöмдiн районын кыпыда пасйисны нималана гижысь, вуджöдчысь, велöдысь В.Т. Чисталёвлöн чужан лунсянь 127 во тырöм. Библиотекаясын нимöдiсны Тима Веньöс да районса гижысьясöс.

Кулöмдiн шöр библиотекаса лыддьысьысьяс аддзьысьлiсны  Пожегса кывбур да шылад тэчысь Г.Н. Сенькинакöд. Помöсдiнын, Югыдъягын, Кужйын, Пожöгын да Мысын мунiсны литературнöй рытъяс «Тима Веньлöн туйвизьöд», «Миян Эжва йывса колип», кöнi лыддьысьысьяс тöдмасисны гижысьлöн олöм да творчествоöн. Скöрöдумса библиотека лöсьöдiс «Прадедлöн кок туйöд» стенд, кодöс сиöма том гижысь, Юлиана Дёмина, Тима Веньлöн правнучкалы.

Октябр 20 лунö Немдiнын мунiсны Тима Веньлы сиöм лыддьысьöмъяс.  Гаж вылын петкöдчисны Тима Вень нима «Эжваса дзоридзъяс» да «Немдiнса сьöлöмшöръяс» сьылан котыръяс. Юргысны В.Чисталёвлöн, В.Лодыгинлöн, Н.Груздевалöн кывбуръяс вылö лöсьöдöм сьыланкывъяс. Видзöдысъяс тöдмасисны Помöсдiнса Тима Венькöд йитчöм местаяс кузя да Э.А.Тимушевлы сиöм презентацияясöн. Ставныс бура донъялiсны библиотекаса уджалысьяслысь Эдуард да Алексей Тимушевъяслöн басняясöн петкöдчöм-ворсöм, сиктса челядьлысь кывбуръяс лыддьöм. Немдiнса гижысь В.Л. Бабин лыддис гижысь-ёртъяслы сиöм кыбур. Кулöмдiнса гижысъяс И.И. Ногиев, Н.А. Лютоев лыддьысны висьтъяс, тöдмöдiсны небöгъясöн. Библиотекалы да медбур лыддьысьысьлы Н.А. Лютоевсянь вичмис козин – «Удивительные люди Верхней Вычегды» небöг.

Кыдзи пасйисны вечер вылö волысь гöсьтъяс, гажсö котыртöма зэв бура. Пöся аттьöалiсны гаж нуöдысьясöс «Немдiн» овмöдчöминса юралысь А.В. Пименов, öвмöдчöминъяскостса библиотекаöн веськöдлысь Г.Е. Пашнина да «Парма гор» газетлöн главнöй редактор Л.Е. Липина.