Мы в соц. сетях: vk.com

Наш адрес: Республика Коми
с. Усть-Кулом ул. Советская, д. 35


E-mail:  uklcbs@mail.ru


Телефон: 8(82137)94301
       
               Поиск по сайту:

 

 

Яндекс.Метрика

Чуймöдана небöг

Анна Кучевалöн петіс «Сьöд вöр шöрын» / «В дремучем лесу» медводдза небöг. Чуймöданаторйöн лоö сійö, мый небöгыс кык бана: öтарсяньыс – коми кыв вылын повесьт-мойд, мöдарсяньыс – роч вылын, а шöрас меститчöма ворсöм.

Мича, яръюгыд серпасъяса книга нимкодь босьтны киö. Серпасаліс мойдсö Екатерина Лыткина, дас вит арӧса художник, «Радужка» художествоа школаын велöдчысь. «Нывкалӧн серпасъясыс ловзьӧдісны мойдсӧ, сетісны сылы ловсӧ да чужӧм серсӧ. Екатерина Лыткина аддзӧ енколасӧ кага синмӧн, а серпасалӧ сійӧс верстьӧ художник киӧн нин». https://vk.com/wall-72070103_2465

Тайö мойдыс лоö ышöдана лыддянторйöн и челядьлы, и верстьöлы; налы, кодъяс кöсйöны унджык тöдны важ коми йöзлöн оласног йылысь.

Кулöмдін районса быд библиотекаö автор нимсянь небöгсö козьналіс гижысь Олег Уляшев, коді тшöтш лоö повесьт-мойдлöн редакторöн. Пöся аттьöалам сьöлöма козинысь!

Дона лыддьысьысьяс, корам тіянöс тöдмасьны тайö мича да аслыспöлöс небöгöн!

«…Олö-вылö войвыв сиктын Василиса ныв. Гырысьяс шмонитöны сы вылын да ыстöны абутöм чугун гугöданла. Нывка венö полöм-шуштöмъяссö да вайö абутöмторсö. Тасянь и пансьöны олöмас шемöсторъяс, а ичöт нывка мöдöдчö тöдысьлöн сьöкыд туйöд. Василиса унатор вуджö, венö, туяс шедöдö тöдысь вын, шемöс отсасьысьясöс, ортöс да шемöс кипель, велалö сёрнитны рöдительяскöд, пöртсьыны лэбачö. Друг висьмö ыджыд мамыс, и Василисалы лоö мездыны сiйöс кулöмысь. Мый вылö вермас мунны нывка ыджыд мамсö мездöм могысь? Туйвеж бöрйигöн Василиса сетö тöдысь вынсö да пöрö вуджöрö. Но мойдыс, кыдз и век, помасьö бура».